***

Меѓу книгите стои едно необично пенкало

Сигурно е преку сто години старо 

И памети се што некогаш напишало

Дневници тајни, на девојки сами 

Писма и преписки меѓу пријатели

Исповеди во ноќи бели 

Договори меѓу селаните

Потписи на дворјаните

Судски записници и љубовни писма

Пред пенкалото фрливме хартија чиста

Листови празни од крај до крај 

Ајде сега пенкало ти пишувај 

Нафрли тука од стихови до клетви 

Опушти се и пробај да се сетиш

Кажи ни се', почни од основите

Одмори си ја душата ,и заборави ги зборовите